PUITLINGNA BY: Rev B.L Sandam


“Ka naupang laiin naupang angin
ka tawnga, naupang hrietin ka
hriet a, naupang ngaituo angin ka
ngaituo hlak; tuta ka hung puitling
hnung
hin naupang thaw dan chu ka ban tah” 1 Korinth 13:11.* Puitling dinga kalbi hmasatak chu
naupang hi ania, amiruokchu naupang
zing
el chun puitling thei ani bawk nawh.
Chuleichun puitlingna dinga thaw ding
pawimaw tak chu naupang thaw dan bansan hi a nih. Ka naupang khawhriet
hang
in zawt ve lang, kum 1956 October thla
in Uchathol khuo a kan umlai vangduoi
thlak takin kapa Vanlalbul in a mi
thisana naupang ti ti enkawl ngai vawng
kan la ni leiin kan urengin kan Pate
Lalringpui hai belin kan um tlanga. A
kumnawk 1966 chu ni le thla le
calendar ka tiem thei tan kum a nih;
Zairawn I.C.I kohran a Kristmas ka hmang
hmasatak kum a nia, chu kuma kristmas
a ka
hlimpui tak chu Vawksa hmepawk le
zana fiemthawtuhai fiem thaw chu a
nih. Kristsmas putar (Santa clause) in famta
Upa Thachung an siema a kuta fei
chawia mi a sunawi lai dam ka mitthla
a a cham zingin ka suongtuona tukver a
inthawka ka hang thlir vel chun ka
lungril a suk no in ka khuo khawm a suk sawt hle. Kha lai hun a ei lo hlimpui em
em hai dam kha tulai tukvera
inthawka hang thlir chun a nuizat
thlakin a naupang thlak hle ei tinaw
thei
nawh. Sienkhawm kohran in kum sawmnga na (Golden Jubilee) lawmna ei
hang nei
ding meu chun Tirko Paula’n “ Ka
naupang lain naupang angin ka tawnga,
naupang hrietin ka hriet a, naupang
ngaituo angin ka ngaituo hlak; tuta ka hung puitling hnung hin naupang thaw
dan chu ka ban tah”* * alo ti ang el
hin mimal le kohranhai khawm ani telin
ei lo puitling pei chu ni ngei ding
ana ei tawng dan, ei chet dan, ei fak le
dawn zawng dan, ei inchei dan, ei in le lo nei dan, ei thil buoipui nuom
zawng, ei ngainat le ei ngaisang
zawnghai an thlakthlengin a danglam
nuom sawt hle. Iengtik hun taka
inthleng
dang lam am a ni tiruok chu ei hriet biek nawh. Pathien hminga thil thawna
le kohran inkhawma program a hai lem
chu fiemthu hin hmun khawm a chang
ve
ta nawh. Zairawn khuo context takin hang hril
inla, tienlai deu khan chu
khawsunga intin deu thaw in ram
ngawpui vatin lo nei in fak ei zawng
hlaka,
ei thlai ra ching suokhai khawm zawr khawm ei lo nei ngai nawh a, khuo le
vengin insemin ei lo fak tlang el hlak.
Turuok hin chu nuom in la khawm ram
ngawpui vat ding khawm ei hmu ta
nawh a, a neitu khawm hril khawp
khawm ei um ta nawh. Lo a thlai neihai khawma
athlawna tuolbawm hai sem el chu a
vang
tah. Ei chakhai lakna tak Jiribam,
Gularthol bazar a hai ke ngawta inlawn
in phur riktak tak hai khawm ei lo phur
hlaka tum khata phur senglo ei lo nei
khawm in avel vel in ei thak hlak.
Turuok hin chu tukhawm ke a inlawn ei
um
ta nawh a mitin in Motor in hadam takin ei in lawn lem tah. Fe tulna
pawimaw
tak nei inla khawm inlawnna ding
Motor a lo remchang naw chun fena
ding thul
in a Motor remchang hun ei in chan lem el an tah. Upa tawng takin hang hril inla kan
naupang lai chun Zairawn khuo sunga
B.A passed chu hrillo, pawlsawm sirpha
chu kutchang thlieka tiem khawp
khawm
an lo um nawh. Turuok hin chu pawlsawm passed chu hrillo B.A val
khawm
kutchang thlieka tiem el seng ei ni ta
nawh. Khawvel hmasawnna zuiin
changkang lemna a ngaiin khawsunga
intin chu hrillo vawikhat nunghak tlangval mana Mobile pai naw hrim
khawm ei um ta nawh. Hieng anga
khawtlang
nunphung inthlak danglamna, In le lo
nei dan, fak le dawn zawng dan,
thiemna le varna inchukna kawnga, khawvel
khawsakna changkang lema ei hung
chuongkai
el ta hi ei ni tum le ei ngaituo lei el
khawm a ni bik nawh a, a khawtlang
huopa ei relna le resolution ei passed na khawm a um nawh a, a khawvel in
her pei hin ahung hersuok hrim hrim
lem a nih. Ei chang thlang a “Tuta ka hung
puitling hnung hin naupang thaw dan
chu ka ban tah” ati hi tha kati in
ngaimaw um hle in ka hrieta. Ei kristien
hringnun khal dan le enmil in naupang
lai thaw dan bansan ding ieng ieng am ei bansana? Tirko Paula bawkin Galati
4:8,9;19 a “Nisienlakhawm, khanga
Pathien in hriet naw lai khan an
piengzie hrim khawma Pathien ni
derlohai
suok in na. tuta Pathien in hung hriet hnung hin chu ti nek hmanin, Pathien
mi hriet in hung ni hnung hin chu, ti
ding a ni lem- khawvel A AW B derdep
le teplo mei mei, a suoka um nawk in
inhawk hai tienga chun, iengtizie a
nghakir nawk am in na?” a lo tih a. Pathien eihriet naw laia thaw dan
tuchen a ei ban thei lo bansan ngei
ta dinga ei nuom thenkhat hang hril ei
tih. A) Kristien mi piengthar indik tak ni ta
sia, insunga thil inhmang, buoina
thenkhat asan hrietchienglo, thudik lem
hriet chieng thei lo thil hai a ei
buoina le ei harsatna thu a khawhri be
mi Pathien ringlo Maiba/Maibi hai ei ruoi el hlak hi ei thaw ngai lo ding a ni
leiin Jubilee chen tlung phak ta
kohran hai hin chu thaw ta ngai naw
hram inla nuom a um in ei puitlingna
pakhat ning a tih. Paula bawkin ka
nauhai, Krista chu nangni a siem puitlinga a um hmakhat chu nauha
invawin kan vawi nawk cheu hi ati hiel
anikha. B) Ei pi le pu hai hun chen an lo ching
hlak le an mawlna suk zuol hlaktu
tulai thangthar tamtakin ei la ban thei
naw chuzu hmun hlimna hi a nih.
Paula chun Rom mihai kuoma suna um
angin mawitakin um ei tiu, zu dawn buoi
le zu inruia um loin, hur le indit hmanga
um loin, insuol le in itthika um
loin a lo tia. Hril tam ngai loin zu hi mi
suksetu a nia, taksa hmel putdan
le hriselna a suksiet chau niloin mi pangngai lungril suk vettu ani bakah mi
po po hmusitna kula mi khumtu, insung
suk tlaramtu le thi hun hma a thina
intluntu a nih. Zu dawn mi hai hrim
hrim chu an zu dawn lei a hrisel le
hmeltha sar hler hlawr an um ngai nawh. Var kek kawka mi inza thei in an
um
ngai bawk nawh. Puitling taka insung
kei ding le damsawt an um ngai bawk
nawh. Chuleiin tuta tuma eini Zairawn
I.C.I kohran Golden Jubilee lawmna a’nthawk hin hieng tieng panga
hratnawna invawi hai ta ding khawmin
inthlak
dang lamna tlung ngei sien ti hi ei
beiseina le ei tawngtaina khawm a nih.
Chuong anga simna le inthlak danglamna chu Puitlingna tienga step
khat bek a
mi dawmsang tu ni ngei a tih. Ei Jubilee hmang ding hi Kum
sawmnga na Golden Jubilee a ni leiin ei
Kristien na hi kum sawmnga a tling chie
anta tina chu an nawh a, ei rama
chanchintha in kum zakhat chuong ami
lo del ve anta leiin tuta eini kohran laia hin chu ei taksa kum upat dan dan
hi ei kristienna kawng a ei upat dan
ani el ding ani leiin naupang thaw dan
ban sana ei puitling dan ding tawite
in hang hril nawk ei tih. 1. Sawmapakhat pek a puitling:
Sawmapakhat, Rahmasa Ramthim ta
dinga
thawlawm le thilpek dang dang thla bia
hlaw neitu le loneitu khawma asik hun
chara Lalpa chanpuol theinghil loin pe zie inla ei puitling nun inlang thei
a tih. 2. Sap thuvarin “I damsung chu mi
keihnuoitu niloin mi dawmsangtu ni
dingin
hmang rawh” anlo ti angin ei u le nau,
kohran chanpuihai, khuo le veng hai
tlaksietna ding nekin an changkang dan ding ngaituo rawn inla puitling nun
suklang thei ei tih. 3. Sap thuvar bawkin “Ngaituona chu
pen ang ana a sin ei hawng phale chau
an
hmang thei hlak” an ti angin kawng
tinrenga Pathien in tha le tul a ti anga
a mi hmang thei dingin lungril in hawngsa zingin um inla puitling thei ei
tih. 4. Thilthaw tinrenga huoisen taka thaw
hi puitling na a nih. kum 1989
January thla in Rev. Darsanglien
Ruolngul le Meghalaya district a kan
inzin
tlanga. Chu tum chun thil “thaw tinrenga hin hawphur puma thaw
ngailo ding”
a ni tiin ami’n fuia. Vawisun chena ka
rawngbawlna mi thuoitu a nih. 5. Thil iengkima puitlingna ding chun
Pathien hmangaina nei hi atul tak a
nih. Isu’n thupek lai po poa ropuitak chu
“Lalpa Pathien chu Lalpa pakhat
chau a nih, ama chau i lungvar po poin, i
thlarau po poin, i lungril po poin, i hratna po poin i hmangai ding a
ni. Adawttu chu nang in hmangai
angin i venghai khawm i hmangai ding
a nih” (Mark 12:29-31) a tia. Paula
khawmin inhmangaituona ngawt naw
chu tu iengkhawm bat naw ro; mani mihriempui hmangaitu chun dan chu a
zawm famkim ta sih a. Hieng “Uire naw,
tuol that naw, inru naw, inhnar naw”, ti
le thupek danghai hrim hrim hi,
“Nangma in hmangai angin i venghai i
hmangai ding a nih ti hin a khai khawm vawng a nih. Hmangaina in venghai a
suk khawhlo ngai nawha, chuleichun
hmangaina hi dan hraw famkimna a
nih” a lo ti bawk. Chuleichun mi’n lungril po po a
Pathien a hmangai tak phawt chun
Pathien thu inziekna Bible in thaw lo
dinga a khaphai po po le thaw dinga a
phut hai po po chu hadam takin a
zawm el thei hlak a nih. Chuong ang taka ei
hringnun hin puitlinna ei nei theina
dingin a thu ei hang hril hai chu
Lalpa’n mal mi sawm pek raw seh.

Advertisements

6 thoughts on “PUITLINGNA BY: Rev B.L Sandam

  1. KTsanga atha i hung thawlawm vea. Vel nawk tieng chu tha deu in hung thaw tum tang kati. Tuta tum chu hmat paruma ei hung ziek ana ka thawsuol rawn. Velnawk tieng chu fel deuin hung thaw tang kati. @Hming i suggestion hung pek hi ka lawm khawpel.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s