Tiena tlânga inthawkin Hmarhai chun Lal neiin khuo an hluo a. Lal chu khaw sâttu, khawsûng rorêltu, a khuo le tuihai enkawltuo a nih.
1. Lalna chu rohluotu ding nau pasalin, a pa thi hnung hluong a tih.
2. Lal chu a thi a, rohluo tu ding a naupasal a la chîn sie chun, ro a rel thei hma pova Lal aia rorêltu dingin Lal unaupa/laibungpa ruot ning a tih.
3. Khawsâttu lal a tlanghmang a, rorêltu an um naw chun, khâwnbawl upaha’n anni laia mi pakhat chairman dingin thlang an tih.
4. Lalin a rorêlpui ding khâwnbawl/siehmâng iemani zât nei a ta, anni chu khawsûng vântlâng mipuiin thlang an tih.
5. Lal le khâwnbâwl upahai chu khawsûng rorêltu an nih a. Khawsûnga thubuoi hlabuoi hai chu sawrkâr pisa tlung lovin, hnam dân hmangin ro rêl an tih.
6. Misuol, rukru, nuhmei naupang chunga tlansiet thawtu, dân le thupek bawsetu, khawtlâng himna suksetu, khêlhrilhmang, thalaihai thuoisuoltu, insukpal, ro inchu, ran inchu, rohluo thua buoina, nuhmei chungchânga thubuoi hlabuoi chi dang dang, tuolthat chenin khawsûng rorêltuhai chun hnam dân hmangin ro rêl anta. An suksuol na ang peiin leisie inchawitir an tih.
7. Khawtlâng rorêltun thiemnaw an changtir chu siel le salam inchawitir anta. Salam chu Lal le khâwnbâwl upahai chan a na, thlâthlêng buotsainan hmang an tih.
8. Lal le khâwnbâwl upahai chu khawsûnga thuneina insâng tak neitu an nih a. Fâk le dâwn zawngna kawng, hmasâwnna kawng, ram le hmun thetna thu le kawng iengkima thuneitu ning an tih.
FAITH BIETE INN 