Ka khawvel hringnun pallai mek


Khawvel ei umna ram hi chu in hnar ding a lo va tam ngei mawh. Suol tinreng hin chu amin huol vel vawng hi elo nih. Nitina ei thilthaw na ta phawt a hai hin suol in ami fang zing hlak a, hei in hel san hi thil intak tak chu alo nih; a san chu ei nuom zawng ding hi alo tam bawk, chulleiin hei tlan hmang san hi thil intak pakhat chu anih. Suol hlak hi a tam chau niloin ei nuom zawng ding taka mi hei thlem hi a thiem em em bawk sie. Hei in thleng rak eitum khawm in nuom thua hei in hnuk dawk el thei hi alo ninaw anih. Chuleiin mi tam tak hi chu suol thlemna do zo loa zamuol leim tam tak ei um reng anih. A pawi khawm a pawi tak zet chu anih. Khawvel thil el ei ngaituo pha hin chu aw in hnar ding hi chu a lo tam bawk hlaka khawm anih. Amak ie maw Khawvel thlawt hi chu. Ka ngaituo pha kei khawm kan hnar thei anih. Alo in hawi bawka, mani nuom zawng taka ei hang khawsa lem hin chu a vawr tawp ani deu tak anih. Nuom chena Khawvel hi hmang thei tak khawm alo nih. Chu ringawt ngaituo ding ni inla chu alo in hawi nasa anih. Anhawi lai zing khawm in tawp alo nei nawk hlak leiin ti ang in ei hlim sawng thei nawh. Hlimna in ami zamsan hun ala um nawk hlak leiin ei nun hmang kha lo in hawi hle sienkhawm a sawt a dei thei tak tak naw leiin ei nun a hung buoia bel ding dang ei zawng nawk el hlak anih. Ani ngei Khawmvel hin hlimna tak tak chu ami pek thei ngai nawh chu anih.

Kei ngei khawm Khawvel hi duthusam taka hmang hi ka thlahla thei khawp el. Nuom zawng tak hei hmang hi ka thlakhla theiin kan hawk thei em em anih. Hei chen rak hi ka tuom de khawm in kan insuong khawsak na in a zir ngang naw leiin tie ang tak chun ka nun hi ka hmang thei nawh. Lung awi naw nading hi ka hau thei khawp el. Sawisel ding tam tak ka nei. A kar le ka suong hai ka awi maw in, intum ding dang dam ka zawng vela. Lungawi na tak tak hi ka nei thei nawh. Harsa deua lo sei lien ve eini leiin ka nun hi ka hnam thei khawp el. Mi hai ka enin kan hnar thei khawp el. A kar le Pa bek la nei lang chu ka hlim ding ana tie dam kan ngaituo in…khawm chu lo nisien ka hlim tak tak chie dim? Amak ie ka hringnun hi kata a kar le. Thil ngaituo in ka hun le ni hi ka hmang zo ani deu tak hlak anih. Duthu ka sam velin, ka khat chaua um in hun le ni ka hmang zo hlak anih. Pathien thu uksak pei na hrim hrim hi ka nei thei ta naw a san chu Khawvel thil a ka ngaituo na popo a liem zo taleiin. Pathien hi ka ringzo naw ani deu tak khawm anih. Pathien hi hang bel tak tak ka tum de hlak chu ka thawpei tak tak nawh, ka ringzo naw ani deu tak in ka hriet. Ka hei tawngtai hlaka chu in chung el khawm a pel phak ka ring nawh. A kar chang lem chu ka imu a suk suok el hlak anih. Ka ngaituo na hai khawm a suk buoi rem rum chang khawm a tam thei.

Sandamna camp a khawm vawihni lai hiel kalo thangta, Pathien khawm ka hung ring ngei. Ami sandam ngei bawka, kei khawm ka hlima chun ka lawm hle bawk ani a san chu ka thlarau sandam in a um natak kha ka hlimpui na tak anih. Ka suol em em lei le, inrui thei khawvela kalo leng ve ta hlak lei kha ka Nu lungril ka suk sawl em em theia ana chu Camp ka fea ka hung piengthar hnung khan chu ka nu khawm a hlim em em a. Kan ta ding chun insung thar indin ang tho kanni. Kha camp a fe kha kan hlim thlang leiin inkhawm khawm kha zantin deu thaw kan nei hlak leiin Bible tiem na kawnga ka hung inthlada peia. Tawngtai ka hung in thlada malam sa peia. Kha hun lai khan thei tawp in thang lo hei la lang chu tu chen hin mi danglam ve tak nita mei kati ti khawm ka ring. Kha hun lai khan lo inthlada naw lang chu aw ti dam ka ngaituo a kan sir thei khawp el. Inkhawm rawn khawm a that lai zing in kata ding chun ami suk thabo tuo ni ding in ka ring tlat anih, a san chu program a tam em em lei khan bible tiem na ding hun ka nei hman tak tak naw a ka hung inthlada tanna ni ding a ka ring tak chu anih. Hun hung fe peiin thlathum hnunga chun ka nun hlui bawka chun ka hung lut nawk el anih. Zu hai ka hung dawn nawka , ka nun hlui pangai bawk kha ka hung hmang tan nawka. Ka thlakna kha alo inthuk deu deu zing pei anih. Kei le kei khawm kan hriet ka pei hla talu kha ana chu hei kir nawk tak kha chu harsa kati hle anih. Suol in ami hei man ta lak law hin chu hei in hnuk dawk hi a lo harsa ngei. Ka hei tawngtai sin hlaka chu ka thaw pei tak tak nawh. Biek in khawm ka pan pei tanaw, thuhril an tan char in ka suok dawk nawk el hlak anih. Ka nun hmang a harsa deu deua ka hlim thei tanaw. Pathien ka ko khawm in ka ko pawp tanawh. Ami zam san in ka hriet el anih. Inthup puma che kani deu tak anih. Ruol le kanin hmu khawm lai suong chau hi ka hlimna hun chu alo ni der el chu anih. Ka zal khawm in ka lung um an hawi thei tanawh. Ka pil in thuok talu hi kan tang sawng chu anta hi. Kha hun lai khan thei tawp in lo hei zui tawk tawk lang chu hi hun hi ka pal naw ding vei le mawh. Lung awi na ding khawm ka nei tak tak tanawh anih. Kan insuong khawm kha hma nek khan a hung harsa deu deua. Ka lung awi na ding hi ka nei thei tak tak tanawh. Pathien le eiin in kar a hei hla tak tak chu aw ieng ieng ei hang thaw hlaka chu hlimna ami pek thei naw anih. Sawisel ding khawm ei hau, nuor na ding khawm a lo va tam ngei. Pathien hnung zui naw chu thaw ding dang ei nei thak naw anih. Insir naw chu ei ta ding in hmun aum nawh. Ama zui hi iengtik lai khawm in ei lung awi na ding tak hi alo anih.

Advertisements

7 thoughts on “Ka khawvel hringnun pallai mek

  1. I ziek tha khop el, Pathienah naw chu hlimna le lawmna tak2 nei hi a theinaw hrim a nih. Ziek nawk pei aw..

    Like

  2. Kirna chang hre neka tha iengkhawm a um nawh. Pathienin thangpui pei a che, hung bei fan2 raw aw.Zieknawk la…

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s